डॉक्टर बाबासाहेब लेले स्मारक समिती संचलित डॉक्टर हेडगेवार स्मृती सेवा प्रकल्प माणगाव यांच्या विश्वस्तांची बैठक गोळवली प्रकल्प संगमेश्वर,रत्नागिरी येथे राष्ट्रीय स्वयंसेवक संघाचे सहकार्यवाह सन्माननीय भैय्याजी जोशी यांच्या उपस्थितीत संपन्न झाली. यावेळी त्यांच्यासोबत प्रांत प्रचारक तसेच प्रांत संघचालक उपस्थित होते. यावेळी विश्वास प्रकल्पाचे विश्वस्त व प्रमुख कार्यकर्ते उपस्थित होते. यावेळी भैय्याजी जोशी यांनी प्रकल्पाच्या कामाचा आढावा घेतला. या पुढील कालखंडामध्ये प्रकल्पाचा दृष्टिकोन, व्यापक हेतू काय असावा? याविषयी विश्वस्तांशी चर्चा केली. त्या अनुषंगाने येत्या काळामध्ये नवउद्योजकांना कौशल्य प्रधान करण्यासाठी बदलत्या काळात ज्या ज्या गोष्टी आवश्यक असतील, त्या त्या प्रकल्पाने उपलब्ध करून द्याव्यात. असे त्यांनी सुचवले. यावेळी प्रकल्पाच्या कामा मध्ये येणार्‍या अडचणी तसेच विविध समस्या याविषयी चर्चा केली. व त्या अनुषंगाने काय उपाययोजना करता येतील याविषयी कार्यकर्त्यांना मार्गदर्शन केले.