संकुल बैठक
डॉ. हेडगेवार प्रकल्पाच्या माध्यमातून बुधवार दि. २१/०८/२४ रोजी संध्या ७.३० ते ९.३० या वेळेत श्री. तुळशीदास काष्टे (भुईवाडा) यांच्या घरी माणगाव/ आंबडपाल या संकुलाची बैठक घेण्यात आली. या बैठकीला आंबडपाल- ४, तुळसूली-३, घावनळे- ४ , नमसगांव- २, भुईवाडा- ५, माणगांव -२ असे एकूण ६ गावातील प्रमुख २० शेतकरी कार्यकर्ते उपस्थित होते. सुरुवातीला परिचय, त्यानंतर घावनळे, आंबडपाल , भुईवाडा व नमसगाव यांनी आपल्या गटाच्या कार्यकर्त्यांनी माहिती सांगितली. प्रास्ताविक व संकुल संकल्पना – एकनाथ सावंत यांनी मांडली. भारतीय किसान संघ व गावठी बाजार – श्री. तानाजी सावंत यांनी मांडला. समारोप श्री. जिन्नी साहेब यांनी केला. त्यानंतर रक्षाबंधन उत्सव झाला. व पसायदान घेऊन बैठक संपविण्यात आली.